Saritaan ti Uki
(*Mabingaybingay kadagiti tallo a babbai dagiti listaan nga adda iti baba ngem nawayakayo a mangguduagudua kadagiti sungbat dagiti saludsod kadagiti aktres segun ti piliyo. Mabalin pay a nayonanyo dagiti adda iti listaan.)
B-1
Amin a babbai ket napagsaludsodan dagitoy a saludsod.
B-2
No agaruat ti ukiyo, ania ti aruatna?
B-3
Anteohos
Bonete
Lalat a diaket
Seda nga istaking
Kagay
Derosas a baruyboy
B-1
Amerikana ti lalaki
Jeans
Maysa a kawes a mangipakita iti sukog ti bagi
B-2
Emerald
Maysa nga evening gown
Sequins
B-1
Armani laeng
B-2
Maysa tutu
Agsarsaragasag a nangisit a panti
Maysa a taffeta a ball gown
B-3
Maysa a pagan-anay a mabalin a labaan iti washing machine
B-1
Costume eye mask
Purple velvet pajamas
Angora
Maysa a red bow
B-2
Armine ken perlas
Maysa a leopard a kallugong
Maysa a seda a kimono
Sweatpants
Maysa a tattoo
B-3
Maysa nga electrical shock a pangbugaw kadagiti estranghero
B-1
High heels
Lace ken combat boots
Purple feather twigs ken shells
Kapas
B-2
Maysa a pinafore
B-3
Maysa bikini
B-2
Maysa nga slicker
B-3
No kas pagarigan makapagsao ti ukiyo, ania ngata ti kunana, dua a sao:
B-1
Ibaybayagmo, dimo unay pardasan.
(*Gapu ta ti ‘ibaybayagmo, dimo unay pardasan’ ket maysa kadagiti dakkel a pagkakatawaan iti pabuya, mabalin nga aggigiddan a sawen dagiti aktres. Kalpasan ti katawa…)
B-1
Mabalin a daytoy ti agbalin nga internasional nga anthem ti uki.
B-2
Sika dayta?
B-3
Pakanennak
Kayatko
Yum yum
Oh yeah (O kasta)
B-1
Rugiam manen
Saan, idiay
Ala, dilaannak (Dilpatannak)
Mabatika iti balay
Natured a pili
B-2
Panunotem manen
Manen ken manen, pangngaasim
Arakupennak
Agay-ayamta
B-3
Dimo sardengan
Ala pay, ala pay
Malagipnak?
B-1
Serrekennak
Saan pay
Nagganasen, nanang
Wen wen
Yugyugennak
B-2
Sumrekka ngem makaammoka
B-1
Apo Dios!
Dios ti agngina!
Addaak ditoy
Intan
Birokennak
B-2
Agyamanak
Bonjour
Natangken unay
Dimo inggaan
B-3
Napanan ni Brian?
Nagangganas dayta
Wen, dita. Dita.
INTRO-TI LAYUS
Maysa a grupo dagiti babbai nga agtaeng iti baet ti 65 ken 75 ti ininterbiu. Dagitoy nga interbiu ti makatignay iti rikna . Gapu siguro da adu kadagitoy a babbai ket saan pay a nakapadas iti interbiu ti uki. Maysa a baket nga ag-72 ti di pay nakakita iti ukina. Dalusanna ti bagina iti shower ken iti pagdigosan, ngem saan a sipupuot nga aramidenna dagitoy. Dina pay napadasan ti alimpatok iti sex. Iti edadna a 72, simrek iti therapy, kas aramidda idiay New York*, ket babaen iti tulong ti therapistna, nagawid iti balayna a maymaysa, nagsindi kadagiti kandela, nagdigos, nagpatugtog iti musika, ket nagidda tapno birokenna daytay mutingna, daytay bagas ti ukina. Kunana a naynay a maysa nga oras nga inaramidna ti kasta, gapu ta ag-arthritis, ngem idin ta maduktalanna ti muting ti ukina, nagsangit. Daytoy a saritaan ket para kenkuana.
Ti Layus
Iti uneg ti uki? Diak pay napan sadiay manipud iti 1953. Saan, awan pakainaigan ni Eisenhower. Saan, saan, maysa a pagpaingelan iti arak idiay nga uneg ti uki. Nabasa sadiay, nadameg. Dimo kayat ti mapan sadiay. Mamatika. Agsakitka. Dika makaanges. Agsaruaka pay. Ti angot ti dam-eg ken buot ken amin. Kunamsa! Dimo mairusok ti angot. Dumket iti badom.
Saan, awan aksidente sadiay. Saan Saan a bimtak wenno napuoran wenno ania man. Saan unay a dramatiko. Kayatko a sawen, a, bay-amon. Saan. Bay-amon. Diak mabalin nga ipeksa daytoy kadakayo. Ania’t ar-aramiden ti maysa nga ismarte a balasang a kas kenka iti panangun-untonna kadagiti bakbaketan a kas kaniak maipapan iti ipapanda iti kaunggan ti ukida? Dimi inar-aramid dagiti kakastoy idi dakami ti ubbing. Ania? Hesus, ala ngarud.
Adda daydi agkabannuag a lalaki, ni Any Leftkov. Nataraki isuna—a, wen, kas panagkunak. Ket natayag, kas kaniak, ket kayatko isuna. Indawatna ti panag-datemi iti karro na…
Diak maisawang daytoy. Diak maibaga daytoy, diak maisarita daytay ipapanko iti uneg ti uki. Ammom lattan nga addakan sadiay. Kas iti pagarakan iti sirok ti balay. Adda dagiti rikor sadiay sagpaminsan. Mangngegmo dagiti tubo ket adda dagiti bambanag a maigangalgangal sadiay, babassit nga ayup, babassit a bambanag, ket agbasabasa, ket no dadduma tapkalan dagiti tao dagiti buttaw. No saan, agmaay a siririkep ti ridaw. Malipatam daytoy. Kayatko a sawen, parte daytoy ti balay, ngem dimo makita wenno dimo pampanunoten daytoy. Ngem masapul nga adda sadiay gapu ta kada balay ket makasapul iti pagpapingelan iti arak ta no saan agbanag a ti pagturogan ket adda iti sirok ti balay.
O Andy, Andy Leftkov. Husto. Nakatataer ni Andy. Kaimbagan a mabanniitan. Kasta ti awagmi idi panawenko. Addakami iti kotsena, maysa a puraw a Chevy Belair. Malagipko a dagiti gurongko ket di mapilko iti pagtugawan. Atitiddog dagiti gurongko. Naisagudda iti dashboard. Kitkitaek dagiti tumengko idi pagammuam ta inagekannak iti wagas nga “Alaennak babaen ti bilegmo kas iti aramidda kadagiti pelikula.” Ket kasla nariing ti riknak, nalukagak ket pagammuam, adda layus iti kauggan ti ukik. Diak mapengdan dayta a panaglayus. Kasla daytoy puersa ti rugso, daytoy karayan ti biag a nanglayus kaniak, iti pantik, iti tugaw ti baro puraw a Chevy Belair. Saan nga isbo ken nagangot—numan pay awan met a talaga’t naangotko, ngem kinunana, kinuna ni Andy a kasla kano angot ti nabangles a gatas ket manmantsaanna ti tugaw ti lugan. Maysaak kano a “naangot ken wirdo a babai.” Kayatko koma nga ilawlawag a kinellaatnak ti agekna ken saanak a taltalaga a kastoy. Pinadasko a pinunasan ti layus babaen ti badok. Maysa a baro a kiaw a primrose a bado a nagbalin a nakalalaad gapu iti layus a dimket iti daytoy. Inyawidnak ni Andy iti balay a saan a nagun-uni, ket idi maiserrak ti ridaw ti kotsena, inserrak metten ti sububukel a paglakuan. Kinandaduak, ket diakon niluktan tapno agnegosio. Nakipag-dateak kadagiti sabali kalpasan dayta, ngem pinagnerbiosnak ti idea ti panaglayus. Diakon napadasan daytoy.
Naaddaanak kadagiti tagtagainep, nakamamauyong a tagtatainep. Kasla attit. Apay? Burt Reynolds. Diak man ammo. Awan man naar-aramidna iti biagko, ngem kadagiti tagainepko, kanayon a ni Burt ken siak, Burt ken siak, Burt ken siak. Isu ta isu met laeng a tagainep. Agpasiarkami. Ni Burt ken siak. Mapankami iti restoran kas kadagiti makitkitam iti Atlantic City, addaan kadagiti nagdadakkel a kandelabra ken ribo a serbidor a naka-vest. Ikkannak ni Burt iti corsage nga orkidia. Itudokko iti blazerko. Agpaggaakkami. Kankanayonkami nga agkatkatawa, ni Burt ken siak, agkatkatawa, agkatkatawa. Mangankami iti shrimp cocktail. Dadakkel nga udang, naglalapsat nga udang. Nalablabon manen ti katawami. Naragsakkami nga agkuykuyog.
Miraenna dagiti matak ket awidennak a mapan kenkuana iti tengnga ti restoran—ket iti kanito nga agkannak, agyugyog ti sibubukel a restoran, agruar dagiti kalapati kadagiti sirok dagiti lamisaan—diak ammo no ania ti ar-aramiden dagiti kalapati sadiay—ket ti layus bumtak iti uneg. Kasla agsuat nga aggapu kaniak. Suat a suat. Adda babassit a lames iti uneg ken babassit a bangka ket mapno ti restoran iti layusko ket ni Burt agtaktakder nga apagassiketna ti layus, langana ti masursuron kaniak ta inaramidko manen, madanagan a mangbuybuya kadagiti gagayyemna, ni Dean Martin ken dadduma pay, naka-tuxedo ken naka-evening gownda nga aglanglangoy a manglablabas kadakami.
Awanen dagitoy a tagtagainep kaniak. Nanipud idi innalada amin kaniak amin a mainaig iti kaunggan ti uki. Innikkatda ti matres, dagiti tubo, amin. Panagkuna ngata ti duktor a nakakatkatawa isuna. Kinunana a no dimo kano usaren, mapukawmo. Ngem kinapudnona, naduktalak a kanser. Amin nga aglawlaw iti daytoy ket nasken a maikkat. Sinno koma’t makasapul, ala man. Sobra-sobra met. Addan dagiti inar-aramidko a sabali. Paggugustuak ti pabuya dagiti aso. Agilaklakoak kadagiti antik.
Saludsodem no ania ti aruatenna? Ania a saludsod dayta? Ania ti pagaruatna? Agaruat iti dakkel a karatula: NAGSERRA GAPU ITI LAYUS.
Ania ti isawangna? Imbagakon. Saan a kasta. Saan a kas tao nga agsao. Nagsardengen a kas banag a makapagsao iti nabayagen a panawen. Maysa a lugar. Lugar a dimo papanan. Nagserran. Iti sirok ti balay. Iti kaunggan ti uki.
Maragsakanka? Pinagsaonanak—ginutigotnak nga agsao. Nakaalaka iti maysa a baket a babai nga agsarita maipapan iti kaunggan ti uki. Naim-imbag ti panagriknam itan? (Aguray bassit.) Ammom, kinapudnona, sika pay laeng ti kaunnaan a tao a nakaibagaak kadaytoy, ket naim-imbag bassit ti panagriknak itan.
No comments:
Post a Comment