INTRO—TI BABAI A MANGGUSGUSTO A MANGPARAGSAK KADAGITI UKI
Dagiti sex workers ket addaan kadagiti nabaknang, nainkapkapilitan, ken narikot a relasion kadagiti ukida. Daytoy maysa a babai ket talaga a kidagenna ti utekko. Dati isuna a sex worker ngem nakikipagsex laeng kadagiti babbai.
TI BABAI A MANGGUSGUSTO A MANGPARAGSAK KADAGITI UKI
Paggaayatko dagiti uki. Paggaayatko dagiti babbai. Diak kitkitaen ida a sabalida kaniak. Bayadandak dagiti babbai tapno dominarak ida, tapno matignayda, tapno magtengda ti alimpatok. Idi unana, saanak a kastoy. Saan, kabaliktadanna ketdi: Nangrugiak a kas maysa nga abogada, ngem idi addaakon iti naladaw a trentak, paggaayatko metten ti mangparagsak kadagiti babbai. Nangrugi a kas maysa a kita ti mission, ngem nairamramanko metten ti bagik. Naglaingak iti kastoy, kasla maysa a kita ti kinasaririt. Daytoy ti artek. Nirugiak ti agpabayad para kadaytoy nga aramid. Kasla man laeng naduktalakon ti propesionko, ti nakairantaak nga aramid.
Agkawesak kadagiti di agbibinnagay a kawes no dominarak dagiti babbai—sarubaybay ken seda ken lalat—ken adda pay propsko: dagiti pagbaut, dagiti posas, dagiti tali, dagiti dildo. Awan kastoy iti linteg ti buis. Awan dagiti props, awan ti pakagutigotan ti rikna, ken kinagurgurak dagiti asul a corporate suits; numan pay agus-usarak pay laeng sagpaminsan iti daytoy baro a kita ti trabahok ket adda met serbida a pagimbagan. Awan dagiti props iti corporate law. Awan panagbasabasa. Awan nalidem a misterioso a pasakalye ni ayat. Awan timmangken a mungay ti suso. Awan naimas a ngiwngiwat, ngem ketdi awan ta awan panagunnoy. Saan a kas iti ibagbagak koma. Daytoy ti tulbek, makitak itan; daytoy panagunnoy ti banag a nangsulisog kaniak ket daytoy met laeng ti makagapu no apay a nagbalin a paggugustok ti mangparagsak kadagiti babbai. Idi ubingak ket makitak dagiti babbai iti pelikula a makiin-innayat, agar-aramid kadagiti timek nga estranghero naalimpatokan ken agun-unnoy, kinatkatawaak ida. Nagpagpaggaakak a diak maawatan no apay. Diak namati kadagitoy karkarna ken awanan linteg nga uni a nagtaud manipud kadagiti babbai.
Nagagaranak nga agunnoy. Prinaktisko iti sango ti sarming, iti tape recorder, nagun-unnoyak iti sabasabali a tekla, iti sabasabali a tono. Ngem kadarrato, no pagandarekon ti tape recorder, kasla man laeng barengbareng, sinsinan. Maysa a parbo. Saan a naibasar iti ania man a sexual, no di ket iti laeng gagar nga agbalin a sexual.
Ngem iti sangapulokon, talaga a makais-isboak idi. Addakami iti lugan. Makais-isboakon ket maysa nga oras a tinepteppelko ket idin ta napanakon immisbo iti maysa a narugit nga estasion ti gas, natukay ti riknak ket nagunnoyak. Nagunnoyak bayat ti panagisbok. Diak namati, siak nagun-unnoy iti maysa a Texaco gas station iti ketengngaan ti Louisiana. Naamirisko iti dayta a kanito a ti panagunnoy ket senias ti di pannakaala a sigud ti kayat, senias ti pannakaitantan dagiti bambanag. Naamirisko a dagiti panagunnoy ket kasayaatan no kellaatendaka, rummuarda manipud kadagiti nakalemmeng a misterioso a parte ti kinaasinnom a mangisawsawang iti bukodna a pagsasao. Naamirisko a dagiti unnoy, kinaagpasuanna, ket dayta a pagsasao.
Nagbalinak a managunnoy. Napulkokan dagiti lallaki. No prinnangkaan, kinabutengda. Nakaringringgorak ket dida man maipasnek ti aramidda. Napukawanna iti pokus. Kalpasanna, mapukawdan amin. Dimo mabalin ti aginnala kadagiti balbalay dagiti sabali. Naingpis dagiti dingding. Nakaalaak iti reputasion iti pasdekko ket dagiti tattao malangaandak nga addaan gura iti elevator. Panagkuna dagiti lallaki ket nakaro ti rurugsuak, dagiti dadduma inawagandak a balla.
Nirugiak ti dakes a riknak maipapan iti panagunnoy. Nagulimekak ken nagbalin a natakneng. No agringgorak, apputek ti ngiwatko iti pungan. Nasursurok a bekkelen ti unnoyko, pengdan kas iti panagbaeng. Nangrugi ti panagsakitsakit ti ulok ken adu pay a rikriknaen gapu iti stress. Naaw-awananakon iti namnama idi madiskobrek dagiti babbai. Nadiskobrek a kaaduan dagiti babbai ket paggugustuanda ti agunnoy, ngem ti mas importante nadiskobrek ti nakaun-uneg a panaggagarko no agunnoy dagiti sabali a babbai, no siak ti pakaigapuan ti panagunnoyda.
Nakiinnalaak kadagiti naulimek a babbai ket nakitak daytoy lugar iti kaungganda ket kinellaatda dagiti bagbagida iti panagunnoyda. Nakiinnalaak kadagiti managun-unnoy ket nakitada ti maysa a naun-uneg, makasalpot nga unnoy.
Kasla maysa a panagoperar, maysa a kita ti nakain-inaka a siensia, panangbirbirok iti tempo, the exakto a lugar wenno balay ti unnoy. Dayta ti awagko.
No dadduman makitak iti uneg ti jeans ti maysa a babai. No dadduma rabsutek, saan a mairaman daytoy iti record, siuulimek a disarmaek dagiti aglawlaw nga alarm ken sumrekak. No dadduman, agaramatak iti puersa, ngem saan a naranggas, maysa a puersa a mangilupitlupit, kaarngi ti panangdominar, “Itugotka iti maysa a lugar, dika madanagan, agtugawka ket nanamem ti panagbiahem” a kita ti puersa. No dadduma naindagaan laeng. Nabirokak ti unnoy sakbay nga agrugi dagiti bambanag, bayat ti pannanganmi iti salad wenno manok, dita, kasual, babaen kadagiti ramayko. “Ditoy a kasta,” pudno a simple, iti kusina, mailaoklaok iti suka a balsam. No dadduma agaramatak iti props—paggaayatko dagiti props—no dadduma baonek ti babai a birokenna ti unnoyna iti sangok. Agurayak, agtutorak aginggana a di lukatan ti babai ti bagina kaniak. Dinak nilanglanggong ti sarming, dagiti sidadata nga unnoy. Saan, induronko isuna iti ad-adayo pay a bileg-unnoy.
Adda ti unnoy ti muting (maysa a naalumanay a timek iti ngiwat), ti unnoy ti uki (maysa a nauneg nga uni iti ngiwat), ti combo-muting-uki nga unnoy. Adda ti dandanin unnoy (maysa a uni nga agrikosrikos), the unnoy nga adda ditan (naun-uneg a depinitibo nga uni), ti elegante nga unnoy (maysa a sopistikado nga agkatkatawa nga uni), unnoy a Grace Slick (uni ti panagkankanta iti rock), ti WASP nga unnoy (awan unina), the unnoy a Hudio (“Saan. Saan.”), ti unnoy nga African-American (“O shit!”), ti unnoy a Katoliko Iris (“Pakawanennak.”), the unnoy iti tuktok ti bantay (uni ti agpukpukkaw), ti unnoy ti maladaga (googie googie googie goo nga uni), ti malaaso nga unnoy (uni nga agal-al-al), ti unnoy nga awan bibianga a militante a bisexual (maysa a nauneg, agresibo, agbaddebaddek nga uni), ti unnoy ti machine gun, ti tinortiur nga unnoy a Zen (maysa a natiritir nga uni), ti Diva nga unnoy (maysa a nakasingsinggit nga operatik a nota, the unnoy a kolehio (“Agad-adalak koma ita. Agad-adalak koma ita.”) ken ti kaudian, ti sorpresa a triple nga alimpatok nga unnoy (nainriknaan, adu’t langana, klimaktiko nga uni).
No comments:
Post a Comment