3rd Nakem Conference

3rd Nakem International Conference,
maangay iti St. Mary’s University


Iti maikatlo a gundaway, maangay ti Nakem International Conference iti St. Mary’s University iti Bayombong, Nueva Viscaya inton Mayo 28-30.

Ti Nakem Conferences, maysa a kultural a tignayan iti nagan dagiti amin a taga-Amianan, iti man Filipinas wenno ti ballasiw-taaw, ket immuna a nainaw ken naisayangkat idi 2006 iti Universidad ti Hawai`i iti panangilungalong ti dati nga Ilokano and Philippine Drama and Film Program nga itan ket ad-adda nga am-ammo iti awag nga Ilokano Language and Literature Program.

Daytoy a programa ti kakaisuna a pakaadalan iti digri ti kinabatsilier iti Ilokano Language and Literature iti intero a Hawai`i, iti intero nga Estados Unidos, ken iti intero a lubong.

Malaksid iti kinabatsilier, mangidiaya pay ti Ilokano Language and Literature ti UH iti minor ken sertifiko iti Ilokanok kasta met a mangisaysayangkat kadagiti nagduduma nga outreach ken community language program iti labas ti Universidad, kas iti Ilokano Plus Program iti Maui Community College iti Estado ti Hawai`i.

Manamnama nga atenderan ti nasao a kumperensia dagiti adu agsuksukisok iti lengguahe, kultura, ken kannawidan dagiti taga-Amianan.

Kasta met nga atenderan dagiti adu nga akademiko, iskolar, mannurat, ken mangmangged iti pannakaitan-ok ti kultura dagiti amin nga etnolingguistiko a grupo iti Amianan a Filipinas.

Mapagsasaritaan iti nasao a kumperensia dagiti nagduduma a topiko a mainaig iti tema a “Panagkakannayon: Kultural ken Lingguistik a Diversidad iti Masirsirmata a Nasion Dagiti Taga-Amianan iti Pagilian ken iti Exilo.”

Pinagsusugponan a binukel ti 3rd Nakem Conference ti tallo nga universidad: ti St. Mary’s University babaen kenni Dr. Bonifacio Ramos; ti Mariano Marcos State University babaen kenni Dr. Alegria Tan Visaya; ken ti University of Hawai`i babaen kenni ni Dr. Aurelio S. Agcaoili.

Kinabinnulig dagitoy tallo a convenors ti sibubukel a puersa ti Nakem Conferences Philippines Inc. nga idaulian ni Visaya ken ti Nakem Conferences International nga idauluan ni Agcaoili.

Manamnama ti idar-ay iti daytoy a taripnong dagiti nagduduma a presidente dagiti universidad ken kolehio ti estado ken ti privado a sektor kas koma ni Presidente Lauro Tacbas iti University of Northern Philippines ken nasional a presidente met laeng ti Philippine Association of State Universities and Colleges; Presidente Miriam Pascua iti Mariano Marcos State University; ken Presidente Reverendo Padre Manuel Valencia iti St. Mary’s University.

Kasta met a manamnama ti panagsarita ti madaydayaw a Carlos Padilla, representante ti distrito ti Nueva Viscaya ti formal a panaglukat ti kumperensia iti maikadua nga aldaw.

Ni Dr. Saturnino M. Ocampo, komisioner ti Comission on Higher Education, ti mangted iti mensahe iti maudi nga aldaw ti kumperensia.

Iti formal a panaglukat ti seremonia, agpabuya ti SMU Choir ken Artist Circle ket ditoy met ti panangpasangbay ti mayor ti Bayombong, ni madaydayaw a John Severino Bagasao, kadagiti amin a partisipante.

Iti daytoy a seremonia, maluktan ti maysa a kultural nga exhibit—ti “paddarafunan”—nga insagana ti St. Mary’s University. Kartiben ni Fr. Valencia iti laso ti paddarafunan ket asistiran ni Dr. Pascua.

Iti panagrikep ti kumperensia, manamanama ti pannakapatalged kadagiti resolusion a maidatag kadagiti delegado tapno maisayangkat dagiti adu a gannuat a mangsierto ti pannakataginayon dagiti amin a lengguahe ken kultura iti Amianan a Filipinas.

Buklen ti sibubukel a kumperensia ti 14 a panel nga addaan iti tallo wenno uppat nga agsarita iti kada panel.

Da Ramos ken Visaya, direktor ken presidente ti NCP kas panagsaganadda, dagiti agserbi a direktor ken kadua a direktor ti nasao a kumperensia; isuda met laeng ti mangbukel iti Philippine panel ti nasao a kumperensia idinto ta idauluan ni Agcaoili ti United States panel.

Mapagnunumuan pay iti nasao a kumperensia ti pannakaangay ti maikapat a Nakem Conference a manamnama a maangayto