MANILA, Philippines -- Militant groups and fellow legislators are mourning the passing of the “grand old man of Philippine labor.” Anakpawis Representative Crispin Beltran, 75, died 11:48 a.m. Tuesday at the Far Eastern University-NRMF Hospital after falling from the rooftop of his Bulacan home. He left behind a wife and 11 children, plus thousands of supporters from farmer, labor, and other militant groups.“The fight of the Filipino worker goes on. The struggle continues,” Beltran’s widow, Rosario, said when she faced media around 1:30 p.m. Inquirer, May 20/08
Matay ti trabahador
iti semento a mapadso,
matnag kadagiti amin a palab-og
ti rigat kas iti panagkudikudit
iti agubo a bubong. Namak man pay
ta awan met ngamin pamaangan
a mangbulkasil kadagiti buttaw
sullat koma ti amin a pakasaritaan
ti pannakadidigra iti taeng
kas iti kagimongan.
A ngem ta kasta: kadagiti ramay
nga isadag ti panangsarapa iti tudo
ti panangilemmeng iti bagi iti sapri
ti panasakibot iti kararua kadagiti amin
a dumrigi: aganus, aganus, koman,
aganus ka a bagi
ta dika met ngamin nagpadi
ta no nagpadika koma
biagmo koma ti maikanawa
kadagiti amin a barsanga
saan a kas iti pannakaipalek
ti ulo, mabtak iti appupo dagiti mabulbulod
a kanito. Ngem adu ti ibati ti pannakatay:
ti rigat, kas pagarigan agingga ita,
ti kaawan iti adipen a mangpalukmeg
iti akak, mangmanso iti buy-ong
mangpayadyad iti dapan
a din makaammo nga umaddang.
Mano a batuta ti linak-am ti barukong
wenno dagiti piskel iti insulto
dagiti matador a no agkissiw
ket agbalinda a kabusor?
Mano a rali mano a demontrasion
mano a welga ti nangrabsut iti turog
ti nangtikaw iti pannakayepyep
ti nangisagut iti bulbulitor
a karuprupa ti pang-or?
Dios ti agaluad Dios ti manarabay
Dios ti agbati kadakami a malmalday
panawam nga insegida iti mansayag
dagiti kalintegan nga itan ken bangkay.
A Solver Agcaoili
Hon, HI
May0 19/08
No comments:
Post a Comment