Nagsimgat ketdin, aya

Sungbat a daniw ni Manong Amado Yoro, iti daniw 'toy numo ("Bigat Dagiti Mannaniw" iti daytoy met laeng a blogsite) maipapan iti panagkikitami idi Agosto 30, ni Manong Amado, ni Russy Quiamas, ken siak, idiay McDonald's Waipahu.


Nagsimgat ketdin aya
ti balikas a pinal-idan ti ayamauom
ti kape a natuyagan iti tubbog
ti suso ti baka
ken ti kiniwaran ti riniwriw
balitok nga asukar

kalawiti-kannigid dagitoy dua
a kinasangok
kunada ketdin a nagsusoda
met a kas kaniak a nagbitin iti tengnged
ni ina a nangsakroy

kunnot kunnot
ta agang-angedda kano pay
idi umigupda iti umuna a tubbog
ti daniw toy makanawan

ikkanyo
batirenyo ti kape
iti agbukar a sayamusom
ti minudo a paratignay
a mangsibug iti muging

ti senior coffee
minus presio a sekistifur sen


Amado Ilar Yoro
Ewa Beach, Hawai'i/Agosto 31, 2008

2 comments:

Razi said...

Nagkintal ket daytoy a daniwen, M'g Amado, M'g Ariel.

Ariel said...

Kas kakintal dagiti balikasmo, adi.