BASBAS ITA NGA ALDAW. BASBAS TI BASINGKAWEL.
Sapay koma ta babaen iti daytoy a basingkawel ket agbunga iti adu a bannawag a dumteng iti biagtayo.
Sapay koma ta babaen iti daytoy a basingkawel ket makapaginam-ammotayo a nasayaat ket babaen iti daytoy a panaginam-ammo ket makastrektayo iti sangrado a biag ti maysa ken maysa.
Sapay koma ta babaen iti daytoy a basingkawel ket madiskubretayo ti kabaelan ti maysa ken maysa ket babaen iti dayta a pannakadiskubre ket lallalo nga ipaayantayo ti maysa ken maysa iti panagrespetar ken pammateg.
Sapay koma ta babaen iti daytoy a basingkawel ket makatulongtayo iti maysa ken maysa tapno iti kasta ket aglaplapusanan dagiti kararuatayo iti panangilala iti sabali.
Sapay koma ta kasta.
(Partuat nga araraw ni A Solver Agcaoili, Hon, HI, Abril 24, 2013)
No comments:
Post a Comment