bunggaok (1) 1. png, pld (mainaig iti) tao a mannanao
ken nakalalaaw 2. png, pld (mainaig
iti) tao a dina matengngel ti kinapigsa ti timekna no agsao 3. png, pld (mainaig iti) maysa a tao a
kasla gurrruod wenno sirena ti wagas ti panagtimtimekna 4. png, fig tao a sao a sao iti wagas a nakaar-ariangga ngem awan met
ubog ti isasaona 5. sin ariyakyak,
bombastiko, burikatkat 5. prt
agbunggaok, bumunggaok 6. kej
‘Masapulmo siguro ti diro, laya, ken limon tapno iti kasta ket matimplam ti
marabunggaok a timekmo, kapid.’ wenno ‘Adu ngamin ti buggaok iti pagilian isu
nga awan pappanan dagiti rekursos ti gimong. Kitaem dagiti karatulada iti igid
ti kalsada ket ibuggaokda nga isuda ti akimproyekto uray no inggudua met ti
kumision nga imbulsada.’
bunggaok (2) 1. png iti
duogan a pammati dagiti Ilokano, maysa kadagiti di katataw-an a nalaad ti
hitsurana ken no agsao ket nakabangbangag a nakapigpigsa a pakaigapuan ti
pannakabugiaw ti talinaay ket panagbuteng dagiti tao; agindeg daytoy kadagiti
walang a lugar, kadagiti kabakiran ken lenglengleng, ken rummuar iti suripet
agingga iti kaltaang santo manen aglemmeng no rummuar ti umuna raya ti lawag 2.
png, fig (mainaig iti) maysa a tao nga adu ti aramidna a linalaglag iti
liklikud ngem iti parupa ket nakasaysayaat 3. prt agbunggaok, bumunggaok 4. png
kinabunggaok, panagbunggaok, panangbunggaok 5. dsg mangmangkik 6. kej ‘No
ar-arigen, ti agdama a sistema ti pulitika iti Filipinas itatta ket maysa a
klase ti kinabunggaok.’ wenno ‘Aluadanyo dagiti bunggaok: addada kadagiti ig-igid,
iti kasipngetan, ken iti sibaytayo a ditay ammo no ditay agsakbay.’
bunggaok (3) 1. png
dakkel a kawitan, a di gagangay ti kadakkelna, ken dakkel met ti taraokna 2. png dakkel a kawitan a tarkok, a no
kamaten dagiti kawitan a basbassit kenkuana, wenno dagiti upa, ket pamrayanna
ti agtaray nga agsalida 3. png, fig
lalaki a dakkel (ti pammagina), dakkel ti bosesna, ken alisto a mapabpabutngan
4. kej ‘Patpatiem dagita a mannanakaw
a dadaulo: panayda amin a bunggaok.’
Sors: A Solver Agcaoili, Monolinggual a Diksionario ken Tesoro nga Ilokano.
No comments:
Post a Comment