KARARAG ITI TALINGENNGEN--SERENITY PRAYER IN ILOKANO


KARARAG ITI TALINGENNGEN

Paraburannak, O Namarsua, 
iti talingenngen a mangaklon kadagiti banag a diak mabalbaliwan; 
iti tured kadagiti banag a kabaelak a baliwan; 
ken sanut tapno maammuak ti inda nagdumaan.

Agbiag iti maysa nga aldaw iti paniemna; 
Panangnanam iti kada kanito iti paniemna; 
Panangaklon kadagiti pakarigatan a kas baatan nga agtunda iti kappia; 
Panangaklon nga awanan kurang, kas iti panangaklon ti Apo, kadaytoy a managbabak a lubong, nupay diak koma kabaelan; 
Sitatalekak nga aramiden ti Apo ti rumbeng no ti nakemna ket suroten;
Ta sapay koma ta agbalinak a naragsak a nainrasonan
ken napnuan ragsak iti sidong ti Apo iti awan-inggana iti masakbayan. 
Sapay koma ta kasta.

Impatarus iti Ilokano ni Aurelio Solver Agcaoili manipud iti original nga Ingles a maibagbaga a sinurat ni Reinhold Neibuhr. 

Hon, HI/Okt 12, 2013

No comments: