No Kasano ti Aglako iti Pandesal

A little boy selling pandesal fell victim to a snatcher in Deparo, Caloocan City. According to Facebook user Christopher Pacheco, P200 was stolen by an unidentified man who bolted instantly from the scene. GMA News, 10 Oct 2014. 

Ania ti naganmo, barok? Iti Facebook, 
Am-ammodaka iti panagibit, 
Lamentasion ti nakakaasi a kapay-an.  

Kuna ti damag: adda kano agnagan iti gulib, 
Sinalamangkana dagiti pandesal,
Inikkan iti virtud dagiti matam
Sa iti abracadabra dagiti mannipdut nga isip
Ket ti laing dagiti ima a mangiyaw-awan. 

Kuna ti sabali, wenno adu pay
Nga adda kenka kano ti panaginkukuna,
Daytay buteng nga ibakal kadagiti kalsada
Tapno sadiay ket sumurot kadagiti amin nga agpakada
A pannakaidasay dagiti tapok, rugit, saning-i,
Amin a panaggulib ti ili kadagiti amin a mayat
Nga umanges pay maminsan. 
Kas kenka. 
Kas iti ina a nangibaon kano kenka tapno iti nasapa
A bigat ket sarakusokem dagiti amin a panggep
Ket iti tugaw iti bansada dagiti tagainep
Ket ti mailako a pandesal
A no ad-adu ket ti isem ti naganak. 
Mabutengka kano kadagiti bugtak
Ken kuddot ken unget ti ina nga iti sappupo
Ket nanginaw kenka a kas senador
Wenno diputado dagiti kinalinteg
Iti man balikas wenno iti aramid, kas iti di panangibaon
Kadagiti kas kenka tapno maturog laeng, agdarepdep
Kadagiti ubing nga oras, agtainep kadagiti namaris
A sabong ni ayat nga agindeg iti taeng
Kadagiti siled, salas, idda, ken panganan?

Duagasut a pisos a kinadaksanggasat. 
Duagasut a pisos a kalanglanga ti mano a kammet,
Mano a taog iti pagbabagasan a ti birngas 
Daytoy ket kankanayon a manglanglangan.

Ngarud, barok a baro ti ili: inka iyibit amin 
A sakit ti nakem. Ipangres amin a bilok,
Amin a gura, amin a buteng, amin a babawi,
Iti man bukod a bagi wenno iti pannakipagili.
Dimo ita maawatan ti darnas dagitoy a lua.
Ngem addanto aldaw a saludsodem 
No ti nagtakaw ket karuprupa dagiti dadaulo
A no agnganga ket kaing-ingaw ti law-ang
A langit dagiti di makaammo iti pammakawan. 

HON/Oct 2014

Malala, Malala

OSLO (Reuters) - Pakistani teenager Malala Yousafzai, shot in the head by the Taliban two years ago for advocating girls' right to education, and Indian children's right advocate Kailash Satyarthi won the 2014 Nobel Peace Prize on Friday.


Adu a saludsod ti kayatko nga ibuksilan, Malala. 
Umuna kadagitoy ti no kasano nga ismam
Dagiti pasamak ket manipud kadagiti kallid
Ket palnuadem ti bayakabak. Sadinno a lubong

Ti naggapuam, sadinno a duli ti ayat
Ti nangalaam iti buteng tapno pagbalinem
Daytoy a tured a di apagapaman ketdi
Bubon dagiti adu a panagaddang? 

Lampedusa, Lampedusa

An Oslo professor has nominated the people of the Italian island of Lampedusa to call attention to the perilous journey that refugees fleeing war and poverty make every year in search of a better life in Europe. This year is on track to see the most refugees ever cross the Mediterranean Sea, and the United Nations says more than 3,000 of them have died trying to cross. The residents of Lampedusa, on the front line of this human flood, were cited for their empathy and solidarity with the migrants.--Mark Lewis, 9 October 2014. 

Saan a kas karina ti bumallasiw iti taaw kas iti biag. 
Adu a dalluyon ti sarangten, kas iti nalinak koma a baybay
Nga agbalin a kastilio ti arinebneb. Adukamin unay a maidaton
Iti danum a lungon, iti daytoy a sementerio nga awanan iti diding
A di matugkelan iti padeppa. 


The clowns and comedians of DSSD and PIDS

POST-SABBATICAL NOTES. 6 OCT 2014. MONDAY. N1.
The clowns and comedians of DSSP and PIDS.
WE CANNOT believe these clowns.
WE cannot believe these comedians who make us cry.
Both agencies, with the blessing of another clown, the Philippine Statistics Authority, are defining another category of 'poorness' and they call it 'non-poor.'
Ladies and gentlemen: we have reached a point where language is being used against us, and where language is used as a tool to make us believe in the lie of public governance.
The definition, if at all, is only for these people who can afford to knife their steak and drink Starbucks cappuccino grande anytime they want.
Look at their funny numbers: P8T plus for the non-poor category for a family of five per month?
These people make us laugh.
And they are making themselves the laughing stock of the world.
Beyond their pencil-pushing, what both DSSD and PIDS should do is talk to the housewives and house husbands, please. And please ask them kindly where that P8T plus thing can lead them per month.
Now, we see: these numbers are used to make abracadabra a lessened number of the poor in our streets, slums, squatters areas, and the bunkhouses of Easter Visayas, yes, those over-priced 'non-home' for the tsunami victims.
Shame. 

Pimmusay a Daga

If I do not return, tell stories about me.--The Dead Lands (a film)


Pumusay met ti daga ket maitabon
Met laeng iti daga. Kas met laeng iti ballailo
A manglimlimo sagpaminsan,

Kas iti narasay a tudo iti agpatnag
A dagaang, Abril man wenno iti rabii
A dagiti adu unay a panagur-uray

Ket agkaltaang, mainanaw ti daga,
Maipusing, sa agkabannuag
Santo iti kangitingitan dagiti panagarog

Dagiti palabra a mangiyaw-awan
Ket agsanselmo a kas iti nuang
Nga agipugso iti apuy iti sardam.

Iti adayo a daga a naggapuan
Pumusay ta pumusay ti daga sadiay.
Agkasuoban, kas pangbugiaw

Mangmangkik a nagindeg kadagiti muyog
Sa iti lagip kadagiti bangkag ken layus
Iti mail-ila a dammang, ngem awan

Ta awan mapagket kadagiti kararag,
Iti man agmatuon wenno iti bigbigat.
Mangala sagpaminsan iti bulong

Ti bakbaka sa kitan iti iking ti linnaaw.
Iti dekolor a lubong daytoy ket
Ti nagkaadu a kari iti ili

Ngem ti umili mabata nga agam-amangaw.
Saanen a justo ti kunada dagiti sinampadi.
Awanen libreta a nangisit a pangalaan

Iti orasion ti amami. Tagalog itan ti panagkusit
Kas iti panagtagalog dagiti amin a mangmangkik.
Namak pay nga Ilokano datao a ngem

Matiritir ti dila iti kastoy a panagkusit.


WKL/
4 Okt 2014

Matay met uray dagiti diktador

Matay met uray dagiti diktador.
Impatoda siguro nga isuda ti agikut
Kadagiti aldaw.

Agkaduog ti panawen
Ken dagiti gagem, ket iti lawag
Ti init ket ti barsanga a manglanglangan.

Agur-uray dagiti tanem kadagiti amin,
Diktador man wenno saan
Dagiti agbugsot a matay.

Kas iti daytoy a Duvalier
Nga iti pakasaritaan ti Haiti
Ket ti kanibusanan dagiti am-amangaw.

Anansata idi kalman laeng
Ket ti galinggaling ket siglat
Nga iti latok ket ti bileg

A di mapaksiak. Kas kadagiti ulser
Iti tumeng, sa iti dapan,
Di umpes no mapan iti nakem

Ketdi, umukuok iti amin a selula
Ni lagip kas iti buteng kadagiti ridaw,
Ti panagkukkok ti ngudo ti paltog

A maipaturong iti puseg ti umok.
Sagrado dagiti oras,
Ngem saan iti diktador

Nga agikut uray iti agmamayo
A rusok ti mabisin a pagador.
Amanen maidiaya nga appupo

Awanen kakalbitan
Uray kadagiti armalait
Nga idi kalman ket umuulaw.









http://www.foxnews.com/world/2014/10/04/ousted-haitian-dictator-jean-claude-duvalier-dies/